Thursday, 8 February 2018

TNPSC CSSE 4 2017 | 11ம் தேதி,TNPSC ‘குரூப் – 4’ தேர்வு : 20 லட்சம் பேர் எழுதுகின்றனர்.


TNPSC CSSE 4 2017 | 11ம் தேதி,TNPSC 'குரூப் – 4' தேர்வு : 20 லட்சம் பேர் எழுதுகின்றனர். அரசு துறைகளில், கிராம நிர்வாக அதிகாரி உட்பட, எட்டு வகை பதவி களில், 9,351 இடங்களை நிரப்ப, வரும், 11ம் தேதி, குரூப் – 4 தேர்வு நடக்கிறது. இத்தேர்வை, 20 லட்சம் பேர் எழுதுகின்றனர்.அரசு துறைகளில், கிராம நிர்வாக அதிகாரி பதவியில், 494; இளநிலை உதவியாளர் பணியில், 4,301; தட்டச்சர் பணியில், 3,463 என, எட்டு வகை பதவிகளில், 9,351 காலியிடங்கள் நிரப்பப்பட உள்ளன. இதற்கான, குரூப் – 4 போட்டி தேர்வு, வரும், 11ம் தேதி நடக்கிறது.இத்தேர்வுக்கான கல்வித்தகுதி, 10ம் வகுப்பு தேர்ச்சியாகும். தேர்வை, 20 லட்சத்திற்கும் மேற்பட்டோர் எழுதுகின்றனர். குரூப் – 4 தேர்வுகளில், இதுவரை, 12 லட்சம் பேர் மட்டுமே பங்கேற்றனர். இந்த தேர்வில், கிராம நிர்வாக அதிகாரி பதவியும் சேர்க்கப்பட்டுள்ளதால், தேர்வர்களின் எண்ணிக்கை, 20 லட்சத்தை தாண்டியுள்ளது.மாநிலம் முழுவதும், 3,500 மையங்களில் தேர்வு அறைகள் அமைக்கப்பட உள்ளன; 10 ஆயிரத்திற்கும் மேற்பட்டவர்கள் தேர்வு பணியில் ஈடுபட உள்ளனர். பெரும்பாலான தேர்வு மையங்களில் கண்காணிப்பு கேமராக்கள் பொருத்தப்பட உள்ளன. அதேபோல், தேர்வு அறைகளில், வீடியோ பதிவும் எடுக்கப்பட உள்ளது.தேர்வுக்கு இன்னும் நான்கு நாட்களே உள்ளதால், பல்வேறு தனியார் பயிற்சி மையங்கள், தனியார் அறக்கட்டளை நிறுவனங்கள் உள்ளிட்டவை, குரூப் – 4 தேர்வுக்கு சிறப்பு பயிற்சியில் தீவிரமாக ஈடுபட்டுள்ளன. பல்வேறு மையங்களில், தினமும் மாதிரி தேர்வு வைத்து, தேர்வர்கள் தயார் செய்யப்படுகின்றனர்.
Tag: For more than four days of selection, various private training centers, including private trust companies, are actively involved in special training for Group-4 exams. In different centers, everyday sample is selected and the candidates are prepared.
விரிவாக படிக்க | www.tnpscworld.com | READ MORE | CLICK HERE | TNPSC WORLD

Tuesday, 30 January 2018

​​TNPSC GROUP 4 HALL TICKET DOWNLOAD | 9 ஆயிரம் பணி இடங்களுக்கு 21 லட்சம் பேர் விண்ணப்பித்த குரூப்-4 தேர்வுக்கான ஹால் டிக்கெட் வெளியீடு


​​9 ஆயிரம் பணி இடங்களுக்கு 21 லட்சம் பேர் விண்ணப்பித்த குரூப்-4 தேர்வுக்கான ஹால் டிக்கெட் வெளியீடு | தமிழ்நாடு அரசு பணியாளர் தேர்வாணையம் 9 ஆயிரத்து 351 பணிகளுக்கான குரூப்-4 தேர்வு அடுத்த மாதம்(பிப்ரவரி) 11-ந்தேதி நடைபெறும் என்று அறிவித்துள்ளது. 301 தாலுகா மையங்களில் நடைபெறும் இந்த தேர்வுக்கு 20 லட்சத்து 80 ஆயிரம் விண்ணப்பங்கள் பெறப்பட்டுள்ளன. சரியான முறையில் விண்ணப்பித்தவர்களுக்கு தேர்வு எழுத ஹால்டிக்கெட் அரசு பணியாளர் தேர்வாணைய இணையதளங்களில் ( www.tnpsc.ex-ams.net, www.tnpsexams.in) வெளியிடப்பட்டுள்ளது. ஹால்டிக்கெட்டை பதிவிறக்கம் செய்து கொள்ளலாம். பதிவிறக்கம் செய்யும்போது விண்ணப்பம் நிராகரிக்கபட்ட காரணம் தெரிய வரும். சரியான முறையில் விண்ணப்பித்து, பணம் செலுத்தியும், ஹால்டிக்கெட் கிடைக்காதவர்கள் விண்ணப்ப கட்டணம் செலுத்தியதற்கான செல்லான் நகலுடன் விண்ணப்பதாரர் பெயர், விண்ணப்ப பதிவு எண், தேர்வு கட்டண ரூபாய், செலுத்திய அஞ்சலக முகவரி அல்லது வங்கி, வங்கிக்கிளை அல்லது அஞ்சலக முகவரி, பணபரிமாற்ற ஐ.டி. மற்றும் தேதி ஆகியவற்றை தேர்வாணைய மின் அஞ்சல் முகவரிக்கு (contacttnpsc@gmail.com) பிப்ரவரி 6-ந்தேதிக்குள் அனுப்பவும். இந்த தகவலை அரசுப்பணியாளர் தேர்வாணைய தேர்வுக்கட்டுப்பாட்டு அதிகாரி சுதன் தெரிவித்துள்ளார்.
விரிவாக படிக்க | www.tnpscworld.com | READ MORE | CLICK HERE | TNPSC WORLD

Monday, 29 January 2018

TNPSC - HALL TICKET FOR COMBINED CIVIL SERVICE - IV (GROUP IV SERVICES ) HOSTED ONLINE FOR DOWNLOAD - DATE OF EXAM : 11.02.2018 FN


TNPSC - HALL TICKET FOR COMBINED CIVIL SERVICE - IV (GROUP IV SERVICES ) HOSTED ONLINE FOR DOWNLOAD - DATE OF EXAM : 11.02.2018 FN | தமிழ்நாடு அரசுப்பணியாளர் தேர்வாணையம் - செய்தி வெளியீடு | தமிழ்நாடு அரசுப்பணியாளர் தேர்வாணையம், ஒருங்கிணைந்த குடிமைப் பணிகள் - IV (தொகுதி-IV) ல் அடங்கிய பணிகளுக்கான, 9351 காலிப்பணியிடங்களை நிரப்பும்பொருட்டு அறிவிக்கை எண் 23/2017ஐ 14.11.2017 அன்று வெளியிட்டு, அதற்கான எழுத்துத் தேர்வினை வருகிற 11.02.2018 அன்று முற்பகல் தமிழ்நாட்டின் 301 தாலுக்கா மையங்களிலும் நடத்தவுள்ளது. இத்தேர்வுக்காக 20.8 லட்சத்திற்கும் மேற்பட்ட விண்ணப்பங்கள் பெறப்பட்டுள்ளன. சரியான முறையில் விவரங்களைப் பதிவு செய்து, உரிய தேர்வுக்கட்டணம் செலுத்திய விண்ணப்பதாரர்களுக்குத் தேர்வுக்கூட நுழைவுச்சீட்டு தமிழ்நாடு அரசுப்பணியாளர் தேர்வாணையத்தின் இணையதளமான www.tnpscexams.net மற்றும் www.tnpscexams.in ல் வெளியிடப்பட்டுள்ளது. மேற்படி பதவிக்கு விண்ணப்பித்த விண்ணப்பதாரர்கள் தங்களது விண்ணப்ப பதிவு எண்/பயனாளர் குறியீடு (Registration ID/Login ID) மற்றும் பிறந்த தேதியினை உள்ளீடு செய்து, நுழைவுச்சீட்டினை பதிவிறக்கம் செய்துகொள்ளலாம் அல்லது தங்களது விண்ணப்பம் நிராகரிக்கப்பட்டுள்ளதற்கான காரணத்தைத் தெரிந்துகொள்ளலாம். சரியான முறையில் விண்ணப்பங்களைப் பதிவு செய்து, உரிய விண்ணப்பக்கட்டணம் செலுத்தியும் நுழைவுச்சீட்டு கிடைக்கப்பெறாத, தகுதியான விண்ணப்பதாரர்கள், தாங்கள் தேர்வுக்கட்டணமான ரூ.100/- செலுத்தியதற்கான செலுத்துச்சீட்டின் (Challan) நகலுடன் கீழ்கண்ட விவரங்களை contacttnpsc@gmail.com என்ற தேர்வாணையத்தின் மின்னஞ்சல் முகவரிக்கு 06.02.2018 தேதிக்குள் அனுப்புமாறு கேட்டுக்கொள்ளப்படுகிறார்கள். § விண்ணப்பதாரரின் பெயர் § விண்ணப்ப பதிவு எண் (Registration ID) § விண்ணப்ப / தேர்வுக் கட்டணம் (ரூபாய்) § செலுத்திய இடம் அஞ்சலகம் / வங்கி § வங்கிக்கிளை / அஞ்சலகம் முகவரி § Transaction ID and Date 06.02.2018க்குப் பிறகுப் பெறப்படும் கோரிக்கைகளின் மீது எவ்வித நடவடிக்கையும் மேற்கொள்ளப்படமாட்டாது. விண்ணப்பதாரர்கள் தங்களது நுழைவுச் சீட்டினைப் பதிவிறக்கம் செய்துகொள்வதில் ஏதேனும் சந்தேகம் இருப்பின் 1800 425 1002 என்ற கட்டணமில்லாத் தொலைபேசியிலோ அல்லது contacttnpsc@gmail.com என்ற மின்னஞ்சல் முகவரியிலோ தொடர்பு கொண்டு தெளிவு பெறலாம் என இரா.சுதன், இ.ஆ.ப தேர்வுக்கட்டுப்பாடு அலுவலர் தெரிவித்துள்ளார்.  DOWNLOAD
விரிவாக படிக்க | www.tnpscworld.com | READ MORE | CLICK HERE | TNPSC WORLD

Friday, 26 January 2018

கிரிக்கெட் வீரர் டோனிக்கு பத்மபூஷண் இளையராஜாவுக்கு பத்ம விபூஷண் விருது மத்திய அரசு அறிவிப்பு


கிரிக்கெட் வீரர் டோனிக்கு பத்மபூஷண் இளையராஜாவுக்கு பத்ம விபூஷண் விருது மத்திய அரசு அறிவிப்பு | கலை, அறிவியல், மருத்துவம், சமூகசேவை உள்ளிட்ட பல்வேறு துறைகளில் சிறந்து விளங்குபவர்களை மத்திய அரசு ஆண்டு தோறும் தேர்ந்து எடுத்து பத்ம விபூஷண், பத்ம பூஷண், பத்மஸ்ரீ விருதுகளை வழங்கி கவுரவித்து வருகிறது. ஒவ்வொரு ஆண்டும் குடியரசு தினத்தையொட்டி இந்த விருதுகள் அறிவிக்கப்படுவது வழக்கம். அதன்படி, இந்த ஆண்டுக்கான பத்ம விருதுகளை மத்திய அரசு நேற்று அறிவித்தது. இந்த ஆண்டில் பத்ம விபூஷண் விருது 3 பேருக்கும், பத்ம பூஷண் விருது 9 பேருக்கும், பத்மஸ்ரீ விருது 73 பேருக்கும் வழங்கப்பட்டு உள்ளது. மொத்தம் 85 பேர் பத்ம விருதுகளுக்கு தேர்வு செய்யப்பட்டு உள்ளனர். கலைத்துறையில் சிறந்த சேவை ஆற்றியதற்காக இசை அமைப்பாளர் இளையராஜாவுக்கு பத்ம விபூஷண் விருது வழங்கப்பட்டு உள்ளது. மத்திய அரசு ஏற்கனவே கடந்த 2010-ம் ஆண்டு இளையராஜாவுக்கு பத்ம பூஷண் விருது வழங்கி கவுரவித்தது. இப்போது பத்ம விபூஷண் விருது வழங்கி இருக்கிறது. விருது பெற்றது குறித்த மகிழ்ச்சி தெரிவித்த இளையராஜா, அதை ஏற்றுக்கொள்வதாக அறிவித்தார். விருது வழங்கும் விழாவில் கலந்து கொள்வேன் என்றும் கூறினார். இசைத்துறையைச் சேர்ந்த குலாம் முஸ்தபா கான் (மராட்டியம்), இலக்கியம் மற்றும் கல்வித்துறையைச் சேர்ந்த பரமேஸ்வரன் (கேரளா) ஆகியோரும் பத்ம விபூஷண் விருதுக்கு தேர்ந்து எடுக்கப்பட்டு உள்ளனர். பத்ம விபூஷண் விருது பெற்ற இளையராஜாவுக்கு ஏராளமான திரையுலக பிரமுகர்கள் வாழ்த்து தெரிவித்து உள்ளனர். நடிகர்கள் ரஜினிகாந்த், கமல்ஹாசன் ஆகியோர் தொலைபேசி மூலம் வாழ்த்து தெரிவித்தனர். கமல்ஹாசன் தனது டுவிட்டர் பக்கத்திலும் வாழ்த்து தெரிவித்து உள்ளார். தமிழகத்தைச் சேர்ந்த தொல்லியல் துறை ஆய்வாளர் நாகசாமி, பிரபல கிரிக்கெட் வீரர் டோனி, கர்நாடகத்தைச் சேர்ந்த பில்லியர்ட்ஸ் விளையாட்டு வீரர் பங்கஜ் அத்வானி உள்ளிட்ட 9 பேருக்கு மத்திய அரசு பத்மபூஷண் விருது வழங்கி இருக்கிறது. பிளாஸ்டிக் கழிவுகளை பயன்படுத்தி சாலை அமைக்கும் தொழில்நுட்பத்தை கண்டுபிடித்த மதுரை தியாகராஜர் கல்லூரியின் துறை தலைவர் பேராசிரியர் ராஜகோபாலன் வாசுதேவன், மதுரையைச் சேர்ந்த கிராமிய பாடல் இசை கலைஞர் விஜயலட்சுமி நவநீதகிருஷ்ணன், கோவையைச் சேர்ந்த 98 வயதான யோகா பயிற்சி நிபுணர் நானாம்பாள், வனவிலங்கு பாதுகாவலர் ரோமுலஸ் விட்டாகர், பாம்பு கடிக்கு மருந்து கண்டுபிடித்த கேரளாவைச் சேர்ந்த பழங்குடியின பெண் லட்சுமிகுட்டி (வயது 75), வலிநிவாரணி மருந்து கண்டுபிடித்த எம்.ஆர்.ராஜகோபால் (70) ஆகியோருக்கு பத்மஸ்ரீ விருது வழங்கப்பட்டு உள்ளது. கர்நாடகத்தைச் சேர்ந்த, விவசாய வேலை செய்துவரும் மூதாட்டி சுலாகட்டி நரசம்மாவும் பத்மஸ்ரீ விருது பெற்றவர்களின் பட்டியலில் இடம்பெற்று இருக்கிறார். போதிய மருத்துவ வசதிகள் இல்லாத பின்தங்கிய பகுதியில் வசித்துவரும் இவர் கடந்த 70 ஆண்டுகளுக்கும் மேலாக ஏராளமான பெண்களுக்கு கட்டணம் எதுவும் வாங்காமல் பிரசவம் பார்த்து வருகிறார். பத்ம விருது பெற்றவர்களில் 14 பேர் பெண்கள்; 16 பேர் வெளிநாடுகளில் வசிப்பவர்கள். மரணம் அடைந்த 3 பேருக்கும் விருது வழங்கப்பட்டு உள்ளது. டெல்லியில் உள்ள ஜனாதிபதி மாளிகையில் பின்னர் நடைபெறும் விழாவில், பத்ம விருதுகள் வழங்கும் விழா நடைபெறும். தேர்ந்தெடுக்கப்பட்டவர்களுக்கு ஜனாதிபதி ராம்நாத் கோவிந்த் விருதுகளை வழங்குவார்.
விரிவாக படிக்க | www.tnpscworld.com | READ MORE | CLICK HERE | TNPSC WORLD

Monday, 22 January 2018

பொது அறிவு | வினா வங்கி


பொது அறிவு | வினா வங்கி
1. 'சொமோலங்மா' என்பது எதனுடைய பழைய பெயர்?
2. மத்திய கட்டிட ஆராய்ச்சி நிறுவனம் எங்கு அமைந்துள்ளது?
3. தமிழகத்தில் துப்பாக்கித் தொழிற்சாலை அமைந்துள்ள இடம் எது?
4. நியூட்ரானை கண்டுபிடித்தவர் யார்?
5. செங்கடலையும், மத்திய தரைக்கடலையும் இணைப்பது எது?
6. எலும்பு முறிவை சரி செய்ய பயன்படும் பொருள் எது?
7. கடலின் ஆழத்தை கண்டறிய உதவும் கருவி எது?
8. தாவரங்களில் நீரைக் கடத்தும் திசு எது?
9. தஞ்சை தமிழ்ப் பல்கலைக்கழகம் எப்போது தொடங்கப்பட்டது?
10. வெள்ளைத் தங்கம் எனப்படும் பயிர் எது?
11. தமிழகத்தில் கோகோ பயிராகும் இடம் எது?
12. இந்தியாவின் ஷேக்ஸ்பியர் என்று அழைக்கப்படுபவர் யார்?
13. கறுப்பு அழகி என வர்ணிக்கப்படுபவர் யார்?
14. தொழிற்புரட்சி ஏற்பட்ட நாடு எது?
15. பிளாட்டோவின் புகழ்பெற்ற சீடர் யார்?
விடைகள் :
1. எவரெஸ்ட் சிகரம், 2. ரூர்கி, உத்திரபிரதேசம், 3. அரவங் காடு, 4. சாட்விக், 5. சூயஸ் கால்வாய், 6. பிளாஸ்டர் ஆப் பாரிஸ், 7. பாதோமீட்டர், 8. சைலம், 9. 1981, 10. பருத்தி, 11. ஊட்டி, 12. காளிதாசர், 13. கிளியோபாட்ரா, 14. பிரான்ஸ், 15. அரிஸ்டாட்டில்
விரிவாக படிக்க | www.tnpscworld.com | READ MORE | CLICK HERE | TNPSC WORLD

பொது அறிவு குவியல் | குறுநில மன்னர்கள் | ஊட்டச்சத்துகள்


குறுநில மன்னர்கள்
* சங்க கால குறுநில மன்னர்கள் வேளிர் எனப்பட்டனர்.
* முல்லைக்கு தேர் கொடுத்தவன் பறம்பு மன்னன் பாரி.
* அவ்வைக்கு நெல்லிக்கனி ஈந்தவன் குதிரைமலை மன்னன் அதியமான்.
* மயிலுக்குப் போர்வை தந்தவன் பழனிமலை மன்னன் பேகன்.
* பொதிய மலையை ஆண்ட அரசன் நள்ளி.
* கோடை மலையை ஆண்ட அரசன் கடிய நெடுவேட்டுவன்.
* நன்னன்சேய்நன்னன் என்ற குறுநில மன்னன் மீது மலைபடுகடாம் பாடப்பட்டது.
* சிறுபாணாற்றுப்படை மன்னன் நல்லியக்கோடன் மீது பாடப்பட்டது.
* தொண்டைமான் இளந்திரையன் மீது பெரும்பாணாற்றுப்படை பாடப்பட்டது.
அதிபர் இங்கும், அங்கும்...அமெரிக்க அதிபருக்கும், இந்திய ஜனாதிபதி பதவிக்கும் உள்ள சில வரையறைகள்...
* இந்திய குடியரசுத் தலைவரின் பதவிக்காலம் 5 ஆண்டுகள். அமெரிக்க அதிபரின் பதவிக்காலம் 4 ஆண்டுகள்தான்.
* ஒருவர் எத்தனை முறை வேண்டுமானாலும் இந்திய குடியரசுத் தலைவர் ஆகலாம். ஆனால் அமெரிக்காவில் ஒருவர் 2 முறைக்கு மேல் அதிபர் பதிவிக்கு போட்டியிட முடியாது. இந்த விதிமுறைகளுக்கு முன்பு ரூஸ்வெல்ட் 4 முறை அமெரிக்க அதிபராக இருந்துள்ளார்.
* இந்திய குடியரசுத் தலைவர் பதவிக்கு இந்திய குடியுரிமை பெற்றிருந்தால் போதும். அமெரிக்காவில், அங்கு பிறந்திருந்தால் மட்டுமே அதிபராக முடியும்.
* இந்தியாவில் ராஜேந்திர பிரசாத் மட்டும் இரண்டு முறை குடியரசுத் தலைவர் பதவியை வகித்திருக்கிறார்.
ஊட்டச்சத்துகள்
* உணவிலுள்ள ஊட்டச்சத்துகள் கார்போஹைட்ரேட், புரதம், கொழுப்பு, வைட்டமின் மற்றும் தாது உப்புகள்.
* கார்போஹைட்ரேட், புரதம், கொழுப்பு ஆகிய மூன்றும் பெரும் ஊட்டச்சத்துகள்.
* பெரும் ஊட்டச்சத்துகள் நமக்கு ஆற்றல் அளிக்கின்றன.
* ஹார்போஹைட்ரேட் விரைவாக ஆற்றல் தரும் பெரும் ஊட்டச்சத்து.
* புரதம் வளர்ச்சி தரும் பெரும் ஊட்டச்சத்து.
* புரதங்கள் அமினோ அமிலங்களால் ஆனவை.
* கொழுப்பு அதிக ஆற்றல் தரும் பெரும் ஊட்டச்சத்து.
* நுண் ஊட்டச்சத்துகள் நமக்கு நேரடியாக ஆற்றல் அளிப்பதில்லை.
* நுண் ஊட்டச்சத்துகள் நம் உடம்புக்கு மிகக்குறைந்த அளவிலேயே தேவைப்படுகின்றன.
* வைட்டமின்களும், தாது உப்புகளும் நுண் ஊட்டச்சத்துகள்.
விரிவாக படிக்க | www.tnpscworld.com | READ MORE | CLICK HERE | TNPSC WORLD

Saturday, 20 January 2018

CURRENT AFFAIRS 2018-01-6-12 | கடந்து வந்த பாதை | 2018 ஜனவரி 6- 12 | முக்கிய நிகழ்வுகளின் தொகுப்பு

  • கால்நடை தீவன ஊழல் வழக்கில் பீகார் முன்னாள் முதல்-மந்திரி லாலு பிரசாத்துக்கு மூன்றரை ஆண்டு ஜெயில் தண்டனையும், ரூ. 10 லட்சம் அபராதமும் விதித்து ராஞ்சி சி.பி.ஐ. தனிக்கோர்ட்டு உத்தரவிட்டது. (ஜனவரி 6)
  • காஷ்மீரில் பயங்கரவாதிகளின் குண்டுவெடிப்பில் சிக்கி 4 போலீசார் உயிரிழந்தனர். இந்தச் சம்பவத்துக்கு முதல்-மந்திரி மெகபூபா முப்தி கடும் கண்டனம் தெரிவித்தார். (ஜனவரி 6)
  • நடப்பு 2017- 2018-ம் நிதியாண்டில் நாட்டின் நிதிப் பற்றாக்குறை 3.5 சதவீதமாக அதிகரிக்கும் என டீ.பி.எஸ். வங்கி தெரிவித்தது. (ஜனவரி 6)
  • சவுதி அரேபியாவில் அரண்மனையின் முன் போராட்டம் நடத்த முயன்றதாக 11 இளவரசர்கள் அதிரடியாக கைது செய்யப்பட்டனர். (ஜனவரி 6)
  • மும்பை தாக்குதல் பயங்கரவாதி ஹபீஸ் சயீத்தின் ஜமாத் உத் தவா உள்ளிட்ட 72 பயங்கரவாத அமைப்புகளுக்கு நிதி வழங்கத் தடை விதித்து பாகிஸ்தான் அரசு உத்தரவு பிறப்பித்தது. (ஜனவரி 7)
  • தமிழக சட்டசபையில் ஆண்டில் முதல் கூட்டத்தில் உரையாற்றிய கவர்னர் பன்வாரிலால் புரோகித், ஊதிய திருத்தக் கோரிக்கை களைப் பரிசீலிக்கக் குழு அமைக்கப்படும், பெண்கள் இரு சக்கர வாகனம் வாங்க வழங்கப்படும் மானியத் தொகை ரூ. 25 ஆயிரமாக உயர்த்தப்படும் என்பது உள்ளிட்ட அறிவிப்புகளை வெளியிட்டார். (ஜனவரி 8)
  • இந்தியாவில் நடப்பு 2018-ம் ஆண்டில் நிறுவனங்கள் கைமாறும் மதிப்பு 5 ஆயிரம் கோடி டாலராக அதிகரிக்கும் என ஆய்வறிக்கை ஒன்றில் தெரிவிக்கப்பட்டது. (ஜனவரி 8)
  • கேப்டவுனில் தென்ஆப்பிரிக்காவுக்கு எதிரான முதலாவது டெஸ்ட் கிரிக்கெட் போட்டியில் இந்திய அணி 72 ரன்கள் வித்தியாசத்தில் தோல்வி அடைந்தது. (ஜனவரி 8)
  • இந்த ஆண்டுக்கான 'கோல்டன் குளோப்' விருதுகள் அறிவிக்கப்பட்டன. இதில் சிறந்த டி.வி. தொடர் நடிகராக இந்திய வம்சாவளியைச் சேர்ந்த அசிஸ் அன்சாரி தேர்வு செய்யப்பட்டார். (ஜனவரி 8)
  • தமிழ்நாட்டில் டெங்கு காய்ச்சல் தீவிரம் அடைந்ததற்கான காரணம் குறித்து மத்தியக் குழு அறிக்கையாக மத்திய அரசிடம் தாக்கல் செய்தது. (ஜனவரி 9)
  • சினிமா தியேட்டர்களில் தேசிய கீதத்தை ஒலிக்கவிடுவது கட்டாயம் அல்ல என்று சுப்ரீம் கோர்ட்டு அறிவித்தது. (ஜனவரி 9)
  • நடப்பு வேளாண் பருவத்தில் (2017 ஜூலை- 2018 ஜூன்) நாட்டின் கோதுமை உற்பத்தி 10 கோடி டன்னை எட்டும் என மத்திய வேளாண் அமைச்சகம் தெரிவித்தது. (ஜனவரி 9)
  • தென்கொரியாவுக்கும் வடகொரியாவுக்கும் இடையே நேரடிப் பேச்சுவார்த்தை நடந்தது. அதில், தென்கொரியாவில் நடக்கும் குளிர்கால ஒலிம்பிக் போட்டியில் கலந்துகொள்ள வடகொரியா முன்வந்தது. (ஜனவரி 9)
  • டெல்லியில் இந்திய வம்சாவளி எம்.பி.க்களின் முதல் மாநாட்டில் பேசிய பிரதமர் நரேந்திர மோடி, 'அன்னிய நிலத்தை ஆக்கிரமிக்கும் எண்ணம் இந்தியாவுக்குக் கிடையாது' என்று கூறினார். (ஜனவரி 9)
  • இந்திய விண்வெளி ஆராய்ச்சி நிறுவனமான 'இஸ்ரோ'வின் புதிய தலைவராக தமிழ்நாட்டைச் சேர்ந்த பிரபல விஞ்ஞானி கே. சிவன் நியமிக்கப்பட்டார். (ஜனவரி 10)
  • சென்னை பூந்தமல்லி நெடுஞ்சாலையில் உள்ள செயின்ட் ஜார்ஜ் ஆங்கிலோ இந்தியன் மேல்நிலைப் பள்ளியில் 41-வது சென்னை புத்தகக் கண்காட்சி தொடங்கியது. அமைச்சர் செங்கோட்டையன் புத்தகக் கண்காட்சியைத் திறந்துவைத்து அரங்குகளைப் பார்வையிட்டார். (ஜனவரி 10)
  • ஒற்றை பிராண்ட் சில்லரை வர்த்தகம், கட்டுமானத் துறைகளில் 100 சதவீத அன்னிய முதலீட்டுக்கு அனுமதி அளிக்க மத்திய மந்திரிசபை ஒப்புதல் அளித்தது. (ஜனவரி 10)
  • தனிநபர் ரகசியத்தைப் பாதுகாக்கும் வகையில் ஆதார் அட்டைக்குப் பதிலாக புதிய அடையாள அட்டை முறை அறிமுகப் படுத்தப்பட்டது. இதை வருகிற மார்ச் 1-ம் தேதி முதல் நடை முறைக்குக் கொண்டுவரத் தீர்மானிக்கப்பட்டது. (ஜனவரி 10)
  • அடுத்த நிதியாண்டில் இந்தியப் பொருளாதார வளர்ச்சி 7.3 சதவீதமாக இருக்கும் என்றும், அடுத்த 2 ஆண்டுகளில் இது 7.5 சதவீதத்தை எட்டும் என்றும் உலக வங்கி அறிக்கையில் தெரிவிக்கப்பட்டது. (ஜனவரி 10)
  • அமெரிக்காவில் சிறுவயதில் சட்டவிரோதமாகக் குடியேறிய 8 லட்சம் பேரை வெளியேற்ற ஜனாதிபதி டிரம்ப் எடுத்த நடவடிக்கைக்கு கோர்ட்டு தடை விதித்தது. (ஜனவரி 10)
  • 'தமிழ்நாடு' என்று பெயர் சூட்டப்பட்டதன் பொன்விழா ஆண்டு சென்னையிலும் மாவட்டங்களிலும் ஜனவரி 14-ம் தேதி முதல் கொண்டாடப்படும் என்று சட்டசபையில் முதல்-அமைச்சர் எடப்பாடி பழனிசாமி அறிவித்தார். (ஜனவரி 11)
  • வழக்குகளை ஒதுக்குவதில் பாரபட்சம் காட்டுவதாகக் குற்றஞ்சாட்டி சுப்ரீம் கோர்ட்டு தலைமை நீதிபதி தீபக் மிஸ்ராவுக்கு எதிராக மூத்த நீதிபதிகள் குரியன் ஜோசப், செல்லமேஸ்வர், ரஞ்சன் கோகாய், மதன் பி. லோகுர் ஆகியோர் பேட்டி அளித்தனர். (ஜனவரி 12)
  • முல்லைப் பெரியாறு அணை தொடர்பாக எந்தவிதப் பேரிடரையும் எதிர்கொள்ளும் வகையில் சிறப்புக் குழுக்களை அமைக்குமாறு தமிழகம், கேரளா மாநிலங்கள் மற்றும் மத்திய அரசுக்கு சுப்ரீம் கோர்ட்டு அறிவுறுத்தியது. (ஜனவரி 11)
  • 8 நாட்களாக நடைபெற்றுவந்த பஸ் தொழிலாளர் வேலை நிறுத்தம் வாபஸ் பெறப்பட்டது. (ஜனவரி 11)
  • உள்நாட்டில் டிசம்பர் மாதத்தில் கார் உள்ளிட்ட பயணிகள் வாகனங்கள் விற்பனை 5.22 சதவீதம் அதிகரித்துள்ளது என இந்திய மோட்டார் வாகனங்கள் தயாரிப்பாளர்கள் சங்கம் (சியாம்) தெரிவித்தது. (ஜனவரி 11)
  • ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து பி.எஸ்.எல்.வி. சி-40 ராக்கெட் ஏவப்பட்டது. இதன் மூலம், இந்தியாவின் 100-வது செயற்கைக்கோளான கார்ட்டோசாட்-2 உள்பட பல்வேறு நாடுகளின் 31 செயற்கைக்கோள்கள் வெற்றிகரமாக விண்ணில் நிலைநிறுத்தப்பட்டன. (ஜனவரி 12)
  • இந்த நிதியாண்டில் அரசுக்கு ஏற்பட்ட கூடுதல் செலவினங் களுக்காக ரூ. 6,522.03 கோடி நிதி ஒதுக்கீடு செய்ய முதல் துணை மதிப்பீட்டை துணை முதல்-அமைச்சர் ஓ. பன்னீர்செல்வம் சட்டசபையில் தாக்கல் செய்தார். (ஜனவரி 12)
விரிவாக படிக்க | www.tnpscworld.com | READ MORE | CLICK HERE | TNPSC WORLD

Thursday, 11 January 2018

‘இஸ்ரோ’ புதிய தலைவராக கே.சிவன் நியமனம் தமிழ்நாட்டை சேர்ந்தவர்

'இஸ்ரோ' புதிய தலைவராக கே.சிவன் நியமனம் தமிழ்நாட்டை சேர்ந்தவர் | இஸ்ரோ புதிய தலைவராக பிரபல விஞ்ஞானி கே.சிவன் நியமிக்கப்பட்டுள்ளார். இவர், தமிழ்நாட்டை சேர்ந்தவர். நியமனம் இந்திய விண்வெளி ஆராய்ச்சி நிறுவனமான 'இஸ்ரோ'வின் தலைவராக ஏ.எஸ்.கிரண் குமார் பணியாற்றி வருகிறார். கடந்த 2015-ம் ஆண்டு ஜனவரி 12-ந் தேதி நியமிக்கப்பட்ட இவர், ஓய்வு பெற உள்ளார். இதையடுத்து, 'இஸ்ரோ' புதிய தலைவராக பிரபல விஞ்ஞானி கே.சிவன் நேற்று நியமிக்கப்பட்டார். அவரது நியமனத்துக்கு நியமனங்களுக்கான மத்திய மந்திரிசபை குழு ஒப்புதல் அளித்தது. 3 ஆண்டுகளுக்கு அவர் இப்பொறுப்பை வகிப்பார். இதற்கான உத்தரவை மத்திய பணியாளர் நலத்துறை அமைச்சகம் பிறப்பித்துள்ளது. விஞ்ஞானி கே.சிவன், தற்போது, திருவனந்தபுரத்தில் உள்ள விக்ரம் சாராபாய் விண்வெளி மையத்தின் இயக்குனராக பணியாற்றி வருகிறார். தமிழ்நாட்டை சேர்ந்தவர் விஞ்ஞானி கே.சிவன், தமிழ்நாட்டில் நாகர்கோவில் அருகே உள்ள வல்லங்குமாரவிளையை சேர்ந்தவர். 1980-ம் ஆண்டு, சென்னையில் உள்ள எம்.ஐ.டி. கல்வி நிறுவனத்தில், ஏரோநாட்டிக்கல் என்ஜினீயரிங்கில் பட்டம் பெற்றார். 1982-ம் ஆண்டு, பெங்களூருவில் உள்ள இந்திய அறிவியல் மையத்தில் ஏரோஸ்பேஸ் என்ஜினீயரிங்கில் முதுகலை பட்டம் பெற்றார். 2006-ம் ஆண்டு, மும்பை ஐ.ஐ.டி.யில் ஏரோஸ்பேஸ் என்ஜினீயரிங்கில் பிஎச்.டி. பட்டம் பெற்றார். விருதுகள் 1982-ம் ஆண்டு, இஸ்ரோவில் பணியில் சேர்ந்தார். பி.எஸ்.எல்.வி. திட்டத்தில் பணியாற்றினார். பல்வேறு பத்திரிகைகளில் விஞ்ஞான கட்டுரைகள் எழுதி உள்ளார். ஏராளமான விருதுகளும் பெற்றுள்ளார். சென்னையில் உள்ள சத்யபாமா நிகர்நிலை பல்கலைக்கழகம், 2014-ம் ஆண்டு ஏப்ரல் மாதம், விஞ்ஞானி கே.சிவனுக்கு கவுரவ டாக்டர் பட்டம் வழங்கி கவுரவித்தது. 1999-ம் ஆண்டுக்கான ஸ்ரீ ஹரிஓம் ஆசிரமம் டாக்டர் விக்ரம் சாராபாய் ஆராய்ச்சி விருதும் அவர் பெற்றுள்ளார்.
விரிவாக படிக்க | www.tnpscworld.com | READ MORE | CLICK HERE | TNPSC WORLD

Friday, 5 January 2018

சார்பதிவாளர், வருவாய் ஆய்வாளர் உள்ளிட்ட பணிகளுக்கான டி.என்.பி.எஸ்.சி. குரூப்-2 நேர்காணல் 22-ந்தேதி தொடங்குகிறது

சார்பதிவாளர், வருவாய் ஆய்வாளர் உள்ளிட்ட பணிகளுக்கான டி.என்.பி.எஸ்.சி. குரூப்-2 நேர்காணல் 22-ந்தேதி தொடங்குகிறது | தமிழ்நாடு அரசு பணியாளர் தேர்வாணையம் (டி.என்.பி.எஸ்.சி.) சார்பில் கடந்த 2016-ம் ஆண்டு ஆகஸ்டு மாதம் 21-ந்தேதி துணை வணிக வரித்துறை அலுவலர், சார்பதிவாளர், இளநிலை வேலைவாய்ப்பு அலுவலர், உள்ளாட்சி மற்றும் நிதி தணிக்கைத்துறையில் உதவி ஆய்வாளர், கூட்டுறவு சங்கங்களில் முதுநிலை ஆய்வாளர், வேளாண் விற்பனை மற்றும் வேளாண் வணிகத்துறையில் மேற்பார்வையாளர், இளநிலை கண்காணிப்பாளர், வருவாய் ஆய்வாளர் உள்ளிட்ட 18 வகையான பதவிகளுக்கான 1,094 காலிப்பணியிடங்களுக்கு குரூப்-2 மெயின் தேர்வு நடத்தப்பட்டது. இந்த தேர்வை 9,833 பேர் எழுதினார்கள். இதனையடுத்து தேர்வில் பெற்ற மதிப்பெண்கள், இடஒதுக்கீட்டு விதி மற்றும் அப்பதவிக்கான அறிவிக்கையில் வெளியிடப்பட்ட பிற விதிகளின் அடிப்படையில் நேர்காணல் தேர்விற்கு தற்காலிகமாக தெரிவு செய்யப்பட்ட 2,166 பேரின் பதிவெண்கள் கொண்ட பட்டியல் தேர்வாணைய இணையதளத்தில் ( www.tnpsc.gov.in) வெளியிடப்பட்டு உள்ளது. இதனையடுத்து நேர்காணல் தேர்வு வருகிற 22-ந்தேதி தொடங்கி அடுத்த மாதம் (பிப்ரவரி) 19-ந்தேதி முடிவடைகிறது. இந்த நேர்காணல் தேர்வாணைய அலுவலகத்தில் நடைபெறும். மேற்கண்ட தகவலை அரசுப்பணியாளர் தேர்வாணையம் தெரிவித்துள்ளது.
விரிவாக படிக்க | www.tnpscworld.com | READ MORE | CLICK HERE | TNPSC WORLD

Wednesday, 27 December 2017

ONLINE BOOK SHOP | AKASH IAS ACADEMY TNPSC GROUP 4 STUDY MATERIALS | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் இப்போது ஆன்லைனில் கிடைக்கிறது.


ONLINE BOOK SHOP | AKASH IAS ACADEMY TNPSC GROUP 4 STUDY MATERIALS | ஆகாஷ் IAS அகாடமி கோச்சிங் சென்டர் ஸ்டடி மெட்டீரியல்ஸ் இப்போது ஆன்லைனில் கிடைக்கிறது. BUY NOW
விரிவாக படிக்க | www.tnpscworld.com | READ MORE | CLICK HERE | TNPSC WORLD